Abitar a San Murezzan è pli char che en la citad da Turitg, quai di il servetsch da cumparegliaziun Comparis a basa d'in studi. A San Murezzan custa in'abitaziun da 4,5 stanzas u pli gronda en media var 3'600 francs al mais. A Turitg è in'abitaziun cumparegliabla tenor il studi, en media pli che 200 francs pli bunmartgada.
Per indigens e lavurants èsi perquai per part nunpussaivel da chattar spazi d'abitar pajabel.
Nagin squitsch da sbassar tschains
A San Murezzan èn radund 200 abitaziuns libras, scriva Comparis. Cumpareglià cun tut las abitaziuns è quai ina cumpart da 4%. Questa cifra sa mova gia dapi trais onns sin quest nivel, tuttina na crodan ils pretschs betg. Para laschan ils possessurs pli gugent vitas las abitaziuns che da sbassar ils tschains. Ils pretschs èn stabils, perquai ch'ils possessurs n'èn betg sut squitsch.
RR novitads 09:00