Il ferm franc svizzer e la digren da giasts ord la Russia smatga il dumber da pernottaziuns da quest onn. Il dumber da pernottaziuns vegn ad ir enavos per 0,6%, quai scriva il post per la perscrutaziun da la conjunctura KOF da l’ETH Turitg. L’onn turistic 2016 vegn perencunter meglier.
Per l'onn proxim quinta il KOF cun in augment da pernottaziuns da 0,8%. Per il chantun grischun quintan ils experts dentant ch’il dumber da pernottaziuns tschessia era proxima stagiun d’enviern e quai per dapli che 5%.
RR novitads 11:00
sda/hs