Barbara Gabrielli era dapi 15 onns a la testa da l’uffizi. Sut ella saja tranter auter vegnì sviluppà il concept per la promoziun da la cultura en il Grischun, ma er mesiras en il sectur da la promoziun da las linguas. Ella haja er realisà mesiras concretas per la promoziun da film ed haja promovì la digitalisaziun en l'uffizi.
Ses ultim project vegnia ad esser la realisaziun dal portal da cultura online. Quel duai preschentar la diversitad da las linguas e culturas en Grischun.
Puncts dispitaivels
Il 2017 haja dà reproschas criticas envers l'Uffizi chantunal da cultura. El saja manà e cusseglià mal. Uschia ha per exempel la degradaziun dal directur dal museum d'art, Stephan Kunz, il 2017 procurà per agitaziun ed ina demonstraziun.
