Chantun - Baselgia evangelica vul promover la collavuraziun regiunala
La baselgia evangelica grischuna vul promover la collavuraziun regiunala e rinforzar la participaziun democratica. Per quest intent ha ella preschentà in concept per la revisiun totala da la constituziun.
La nova constituziun saja scritta en ina lingua simpla e chapibla per mintgin. In auter punct saja ch’ins na stoppia betg pli esser battegià per insumma daventar commember da la baselgia evangelica, han ils responsabels communitgà.
Decisiun la stad proxima
Ils radund 70’000 commembers da la baselgia evangelica grischuna han la pussaivladad da decider il fanadur 2018 davart la revisiun da la constituziun.
