Fasciati è oriund da l’Engiadina e succeda a Hans Amacker ch’era sa retratgs ord da motivs da sanadad. En ses pled da bainvegni ha Fasciati ditg: «I saja ina gronda onur sco Grischun, lavurer da viafier e turisticher da pudair surpigliar la funcziun da directur da la Viafier retica.»
Preschentà il quint a la radunanza
Plinavant è vegni preschentà il quint da fatschenta dal 2015 ch’era gia enconuschents dapi in temp. Tar entradas da radund 93 milliuns francs sa resulta in gudogn da 136’000 francs. Las investiziuns per mantegnair la substanza e la renovaziun dal material ha cuntanschi in record cun 214 milliuns francs. Er ha il directur actual Florin infurmà sur dal stan da construcziun dal tunnel nov dal Albula sco er dals projects da sanaziun da las staziuns a Küblis e San Murezzan.
RR novitads 16:00