A partir dad oz testescha il chantun Grischun la plattafurma sociala Instagram. 14 posts, uffizis e biros sco era il servetsch da medias e la chanzlia chantunala produceschan contribuziuns per la plattafurma sut il num @kantongr.
La chanzlia chantunala empermetta ch'i vegnia varià e ch'il conto nov mussia «las pli bellas fotografias da l'administraziun». L'emprim messadi u uschenumnà «post» è emperemttent: El mussa ina curta animaziun or da perspectiva da 360 grads sin la Chasa Grischa.
«Sa legrai sin las pli bellas fotografias da l'administraziun!»
Il project da pilot cuzza 6 mais e va a fin il december da quest onn. La gruppa en mira dad Instagram èn ils giuvens e las giuvnas. Perquai èn era cumpigliads collavuraturs giuvens sco era ils emprendists en il process da redacziun.
RR novitads 10:00