Siglir tar il cuntegn
Cunzunt durant il temp da vacanzas èsi da quintar cun colonnas sin l’A13 tranter Zezras e Tusaun.
Legenda: Colonnas sin l’A13 vers Sid avant la vischnanca Domat. Keystone

Chantun Cun tempo 80 far circular meglier il traffic

A partir da damaun venderdi vala sin l’autostrada A13 ina limita da tempo dad 80 km/h sin il traject tranter Cuira e Tusaun. I sa tracta dad in project da pilot che vala mintgamai da venderdi saira fin dumengia notg.

La finamira saja da reducir las colonnas tranter Tusaun e Zezras durant il temp da vacanzas, explitgescha la polizia chantunala dal Grischun quest pass. Studis demussian numnadamain che las capacitads da las vias vegnian augmentadas, sche la spertadad vegnia reducida. Sch’il project ha success, duain mesiras concretas vegnir examinadas.

RR novitads 17:00

Artitgels legids il pli savens