Dapli
A Panaduz han ils candidats e las candidatas plantà in bostg, ensemen cun cussegliera federala Doris Leuthard. Betg mo discurrer surlonder, mabain era prender en ils mauns, saja la devisa. E la planta duaja simbolisar ina creschientscha persistenta, sco president da partida, Stefan Engler ha ditg.
Las finamiras dals cristiandemocrats per las elecziuns naziunalas da l’atun èn da gudagnar cleramain dapli electurs ed uschia daventar la partida la segund-ferma dal Grischun. Uschia vul la PCD era defender ses 2 sezs a Berna, il mandat da Martin Candinas en il Cussegl naziunal ed il mandat da Stefan Engler en il Cussegl dals chantuns.