Mirà enavos ha el patì il pli fitg bunamain ils emprims dus dis, cunzunt perquai ch’el n’era betg disà da chaminar uschè ditg durant in di. Ma mintga di saja alura i pli tgunsch dad ir a pe, di Gian-Marco Maissen. La motivaziun saja stada gronda, cunzunt sin il davos tschancun.
Gian-Marco Maissen recumonda vinavant a mintgin a viagiar tras l’atgna patria ed ir sin ils fastizs d’istorgias.
Il davos di da viadi: Da Glion a Surrein
Noss reporter Gian-Marco Maissen ha passentà la notg passada a Tischinas sur Glion. Mario e Patricia Cadruvi abiteschan là ed èn stads ospitants per noss reporter.
Igl è stà l'ultima notg avant ch'el è sa mess sin via per l'ultima etappa da sia tura «Da patria - a patria». La finala è el arrivà saun e cun plaschair a Surrein.
Venderdi: 05-08-2016 Glion – Danis-Tavanasa – Surrein
Temp d'arrivada (circa):
07:00 Glion
08:15 Rueun
10:00 Vuorz
11:30 Danis- Tavanasa
14:30 Trun
16:00 Surrein
La legenda dal Munt Sogn Gieri
A Vuorz è Gian-Marco Maissen viandà sper la ruina dal chastè da Munt Sogn Gieri – la pli gronda tur da la Surselva cun ina lunga istorgia. Il scolast da Rueun, Jacob Pfister, ha raquintà ad el la legenda dal Munt Sogn Gieri. Il nausch chastellan Gieri tirannisava ils purs en il conturn. Ils purs n'han dentant betg laschar plaschair quai pli ditg ed han vulì assassinar el... Tadlai la legenda.
Marenda a Danis
A Danis han Marlis e Ciril Friberg offrì a Gian-Marco ina tschavera. Ciril Friberg ha raquintà da la senda tranter Vuorz e Danis ch'i dat pir dapi 6 onns. Gian-Marco è viandà sin quella senda en direcziun Danis. Silsuenter ha la via manà vinavant envers Trun.
-
Bild 1 von 7. Nivels e plievgia accumpagnan oz noss redactur. Bildquelle: RTR, Gian-Marco Maissen.
-
Bild 2 von 7. Mario e Patricia Cadruvi han dà a Gian-Marco Maissen in suttetg a Tischinas sur Glion. Bildquelle: RTR, Gian-Marco Maissen.
-
Bild 3 von 7. Quà han las malauras dal 2002 fatg donns a Rueun. Entant protegia in rempar (dretg) il vitg. Bildquelle: RTR, Gian-Marco Maissen.
-
Bild 4 von 7. La pli gronda ruina d'in chastè en Surselva: Munt Sogn Gieri, Vuorz. Bildquelle: RTR, Gian-Marco Maissen.
-
Bild 5 von 7. La senda tranter Vuorz e Danis e pauc enconuschenta dentant fitg bella. Bildquelle: RTR, Gian-Marco Maissen.
-
Bild 6 von 7. Margrit e Gabriela Vincenz han envidà Gian-Marco Maissen a dessert e café a Trun. Bildquelle: RTR, Gian-Marco Maissen.
-
Bild 7 von 7. Adia Trun! Il viadi cuntinuescha direcziun Rabius. Bildquelle: RTR, Gian-Marco Maissen.