Tenor il veterinari chantunal Giochen Bearth, è il pli malsegir l’auto. Ins na duai mai laschar, per exempel il chaun, en l’auto parcà. Pertge endadens poi spert vegnir fitg chaud. La temperatura è in toc pli auta che ordadora e quai po spert manar enfin la mort.
Blera aua frestga da baiver
Uschiglio èsi da dar avunda libertad al giat ni al chaun. Sch’els pon sa mover liber, chattan els sez ora tge che fa bain ad els. Impurtant è da mirar, ch’els hajan adina blera aua frestga da baiver.