Il video è la simulaziun da la situaziun da fugitivs (video: R. Müller / F. Caduff)
La simulaziun cumenza cun instrucziuns. Dunnas ston zugliar ils chavels cun schals ed i vegn scumandà ad ellas da discurrer cun umens esters. E lura cumenza ina fugia hectica enfin ch'ils fugitivs rivan tar il champ da fugitivs.
RTR al WEF 2016
Là dentant n'èsi insumma betg uschia che la fugia fiss a fin. Qua cumenza la fugia dals schuldads. Uschia vegnan ils participants confruntads cun corrupziun, cun violenza e cun ina gronda malsegirtad. Ins na sa mai, tge che capita sco proxim. Suenter bundant ina mes'ura è l'experientscha a fin ed il surlevtg grond.
Simulaziun reala
Tenor ils responsabels da la simulaziun, la fundaziun Crossroads, pudess quest champ da fugitivs esser dapertut sin quest mund. I mussi dentant mo gist 14% da la realitad en quests champs. La hectica e las sfidas cun las qualas ins vegni confruntà existian dentant en quels. I na saja dentant betg pussaivel dad uniformar tut quests champs da fugitivs perquai che mintga champ saja auter.
-
Bild 1 von 8. La fugia cumenza cun bler sbragizi. Bildquelle: RTR, F. Caduff.
-
Bild 2 von 8. I dà explosiuns, ins auda sajettim e dapertut hai fim. Bildquelle: RTR, F. Caduff.
-
Bild 3 von 8. En il champ da fugitivs han ils schuldads cun armas la controlla e cumondan enturn ils fugitivs. Bildquelle: RTR, F. Caduff.
-
Bild 4 von 8. Adina puspè vegnan umens separads da la gruppa e tschertgads tras. Bildquelle: RTR, F. Caduff.
-
Bild 5 von 8. Ils schuldads schicaneschan ils fugitivs. Bildquelle: RTR, F. Caduff.
-
Bild 6 von 8. L’atmosfera è hectica, ils fugitivs na sai mai, tge che capita sco proxim. Bildquelle: RTR, F. Caduff.
-
Bild 7 von 8. En la scola dal champ pon ils fugitivs emprender da leger e scriver. Bildquelle: RTR, F. Caduff.
-
Bild 8 von 8. Responsabla per la simulaziun è la fundaziun Crossroads, situada a Hongkong. Bildquelle: RTR, F. Caduff.
RR Actualitad bunura 06:00