Fernando Guntern e la regenza èn vegnids cuminaivlamain a la conclusiun, ch'els hajan differentas ideas davart la direcziun e l'avegnir da l'Uffizi da persunal. Quai communitgescha il chantun. Els èn perquai sa cunvegnids en enclegientscha da terminar la relaziun da lavur existenta e da dispensar Fernando Guntern da sias incumbensas per la fin da favrer.
Fernando Guntern ha manà l'Uffizi da persunal dal chantun Grischun dapi il prim da schaner 2020. Sper sias incumbensas regularas sco per exempel la revisiun parziala reussida da la lescha da persunal, ha el durant ses temp d'uffizi er gì da far cun la pandemia da Covid-19, particularmain la realisaziun da las mesiras dal Cussegl federal tenor il dretg da lavur.
