Il bajetg da betun per la scolina da Flem e las structuras dal di è vegnì construì en 15 mais ed ha custà 4,9 milliuns. Uschia han ins pudì tegnair en il credit ch’il suveran da Flem ha concedì avant dus onns, ha ditg Peter Reiser, il president dal cussegl da scola da Flem.
Tut en il medem lieu
Il nov bajetg porscha plaz per trais scolinas. En funcziun èn actualmain be duas. Sco Peter Reiser di, vegn ina scolina nizzegiada sco duas stanzas da scola. Crescha il dumber da scolarets da scolina, po ina paraid vegnir allontanada ed uschia vegnir creà il plaz per ina ulteriuras scolina. Ch’i saja vegnì planisà in bajetg memia grond, na lascha Peter Reiser betg valair. La scola saja plaina e na porschia nagins locals da reserva.Cun la nova scolina hajan ins ussa dapli spazi che vegnia era gia nizzegià.
Il grond avantatg è ch’era la maisa da mezdi e la canorta per ils scolars èn ussa en il medem lieu sco la scola e la scolina. Omaduas purschidas èn numnadamain vegnidas integradas en il nov bajetg e vegnan nizzegiadas fitg bain.
-
Bild 1 von 8. La scolina è ussa gist sper la scola da Flem. Bildquelle: RTR, G. Hosang.
-
Bild 2 von 8. Ordadora dominescha il betun... Bildquelle: RTR, G. Hosang.
-
Bild 3 von 8. ... en l'intern èsi il lain. Bildquelle: RTR, G. Hosang.
-
Bild 4 von 8. Ina stanza da scolina. Bildquelle: RTR, G. Hosang.
-
Bild 5 von 8. Ina stanza da scolina. Bildquelle: RTR, G. Hosang.
-
Bild 6 von 8. La paraid davos pudess vegnir prendida davent per uschia colliar cun la stanza davos. Bildquelle: RTR, G. Hosang.
-
Bild 7 von 8. Per la maisa da mezdi è vegnì endrizzà in local en la nova scolina. Bildquelle: RTR, G. Hosang.
-
Bild 8 von 8. Il local da zambregiar per ils scolars da la primara. Bildquelle: RTR, G. Hosang.