L'unda da fugitivs ord ils pajais dal Proxim Orient na dastgass avair naginas consequenzas per la segirezza dal Forum mundial d'economia a Tavau. Quai ha ditg il schef dal departament da segirezza, Christian Rathgeb, en l'ura da dumondas dal Cussegl grond.
I vegn temì che Dschihadists pudessan arrivar en Svizra. La dumonda saja però giustifitgada cunquai che la situaziun possia sa midar, uschia Rathgeb. Il chantun saja perquai en stretg contact cun il servetsch secret da la Confederaziun.
RR novitads 11.00
rtr/md/aw