Legenda:
Gian Darms (amez) banduna l'Institut federal per la perscrutaziun da naiv e lavinas.
RTR, Isabelle Jaeger
cuntegn
Chantun - Gian Darms banduna il SLF a Tavau
La vusch ch'ha fatg attent ils auditurs e las audituras da RTR sur da privels da lavinas banduna l'Institut federal per la perscrutaziun da lavinas. Il venderdi ha Gian Darms perquai declerà l'ultima giada al Radio Rumantsch la situaziun da lavinas en Grischun.
Suenter 7 onns banduna Gian Darms l'Institut federal per la perscrutaziun da naiv e lavinas a Tavau. En questa funcziun ha el er regularmain valità il privel da lavinas per il Radio Rumantsch.
En futur vegn Gian Darms a lavurar a Turitg per l'interpresa Geoprevent ch'è spezialisada sin sistems per observar ed alarmar davart privels da la natira. Er en futur vegn Darms pia a sa fatschentar cun il privel da lavinas latiers vegnan dentant er crudadas da crappa u era bovas ed auas grondas.
