«Gigi vo Arosa» è stà il classic magister da skis dals onns 1970: Ina persuna sportiva, la fatscha brina dal sulegl e 14 uras al di preschent per ses giasts. La professiun «magister da skis» è sa midada ferm durant ils ultims decennis.
Pli baud lavuravan cunzunt ils purs sco magisters da skis, perquai ch'els avevan temp sur enviern. Ozendi n’han els dentant betg pli la peda per in’ulteriura occupaziun durant ils mais d’enviern.
Actualmain absolvan radund 40% da la Bassa e 60% da la muntogna la scolaziun sco magister da skis.
L’uniun tetgala da las scolas da skis «Suisse Snowsports» na quinta betg ch’i dettia damain magisters da skis en l’avegnir. Mintg’on surdattan els 600 diploms sco magister da skis per uffants e 130 certificats professiunals.