-
Bild 1 von 8. Gian-Marco Maissen è partì a las 07:00 da Puntraschigna. Bildquelle: RTR, Gian-Marco Maissen .
-
Bild 2 von 8. L'arrivada a Samedan. Bildquelle: RTR, Gian-Marco Maissen .
-
Bild 3 von 8. Viadi tras la Val Bever. Bildquelle: RTR, Gian-Marco Maissen .
-
Bild 4 von 8. Sin via vers Crap Alv. Bildquelle: RTR, Gian-Marco Maissen .
-
Bild 5 von 8. Gian-Marco Maissen ha deponì ses satgados sin in baun per far ina pausa al Lai da Palpuogna. Bildquelle: RTR, Gian-Marco Maissen.
-
Bild 6 von 8. Nua ch'ils binaris e la via passan sur l'Alvra tranter Preda e Bravuogn. Bildquelle: RTR, Gian-Marco Maissen .
-
Bild 7 von 8. Arrivada a Bravuogn. Bildquelle: RTR, Gian-Marco Maissen .
-
Bild 8 von 8. Festa d'emprim d'avust en la Val Tuors. Bildquelle: RTR, Gian-Marco Maissen.
A l’entschatta da l’emna ha noss redactur Gian-Marco Maisssen cumenzà ses viadi da partia a patria. El è creschì si a Puntraschigna ed ha visità là tut sias scolas. Sias ragischs giaschan dentant a Surrein. Ses geniturs derivan numnadamain omadus da la Cadi en la Surselva. Il viadi da Puntraschigna a Surrein ha el schon fatg bleras giadas, per exempel cun auto u cun tren. Ma a pe anc mai. Quest'emna vul Gian-Marco Maissen midar quai e va perquai a pe davent da patria a tschella patria.
Glindesdi 01-08-2016: Puntraschigna – Fuorcla Crap Alv – Bravuogn
Temp d'arrivada (circa):
07:00 Puntraschigna
08:00 Samedan
08:30 Bever
10:00 Spinas
12:00 Fuorcla Crap Alv
14:30 Preda
16:30 Bravuogn
Tar la ruta reala che Gian-Marco ha fatg.
Arrivà sin il pli aut punct
l'emprim di fa Gian-Marco Maissen passa 30 kilometers ed en quests 30 kilometers è era il pli aut punct da la ruta sin passa 2’400 meters sur mar: la furcla Crap Alv.
Sin la furcla Crap Alv tranter Bever e Bravuogn è Gian-Marco Maissen arrivà il glindesdi da mezdi – in bun mument per siglir en il Lai Crap alv.
L’emprima notg a Bravugn
Per ses viadi n'ha Gian-Marco Maissen betg organisà plazs da durmir. Perquai ha el dumandà ils auditurs dal Radio Rumantsch da dar ad el in tetg sur il chau per las notgs vegnintas.
Ed in letg ha el chattà a Bravuogn tar Dorli Josty. Ma betg mo durmir ha el dastgà tar Dorli Josty e sia famiglia, era ha el pudì festivar cun els l'emprim d’avust en lur vitg.