La transfurmaziun digitala en l'administraziun chantunala dal Grischun duai vegnir realisada tant pli spert. Perquai ha la regenza deliberà ina strategia e planisescha mesiras cun custs da 35 milliuns francs, sco era da stgaffir passa 45 plazzas internas dapli. In servetsch digital saja cunzunt en in chantun grond sco il Grischun impurtant. Uschia è la finamira tenor il cusseglier guvernativ Martin Bühler ch'il chantun possia porscher a moda digitala tut ils differents documents. Quai davent da la taglia, sur lubientschas fin tar certificats
Cun questas investiziuns pli grondas vulain nur er ademplir las spetgas da la populaziun, da l'economia u da la politica
La regenza vul tranter auter etablir cun ils daners in portal electronic dal chantun, ina chascha da brevs digitala ed ina administraziun interna digitala. En il rom da la strategia duain esser etablids fin l'onn 2028 ils servetschs. Quai na munta dentant betg ch'il servetsch da spurtegl vegn a svanir immediat davent dil 2028, precisescha Martin Bühler. Sco chantun hajan els er l'obligaziun da porscher vinavant lezza spierta.
L'investiziun da 35 milliuns francs vegn proponida al Cussegl grond en il rom d'in credit d'impegn en la sessiun da december.