L'analisa davart la situaziun professiunal per persunas da 40 onns e dapli cuntinuescha. La purschida saja in success. 203 persunas hajan sa laschà cussegliar il 2022 ed il 2023. La gronda part saja stada cuntenta cun la purschida.
Il chantun haja perquai inoltrà a la Confederaziun ina dumonda per pudair cuntinuar fin almain l'onn 2028, scriva la regenza grischuna.
Il chantun aveva lantschà il project «viamia» en vista a la situaziun ch'il mund professiunal sa mida pli e pli svelt e per ch'era persunas sur 40 onns possian restar cumpetitivas sin il martgà da lavur. Las analisas fan ils posts regiunals da la Cussegliaziun da professiun.