Il Chantun Grischun duai en l’avegnir dar or 50 milliuns francs damain ad onn. Quai pretendan deputadas e deputads dal Cussegl grond en in’incumbensa en quai senn. En vista a las perspectivas plitost nauschas per las finanzas chantunalas davent da l’onn 2018 saja quai necessari, pretenda in scriver sutsegnà da 43 parlamentaris grischuns. En spezial duai vegnir spargnà en il socialesser I vegn sa referì explicitamain sin il pachet da spargn ch’è vegnì decidì il 2003 en il Grischun. Il Cussegl grond vegn a debattar quest’incumbensa en ina da las proximas sessiuns. Dals 43 deputads che sustegnan la pretaisa è la gronda part commembers da la partida liberaldemocrata.
RR novitads 16:00