La stad 2016 na saja propi betg ina stad da vespras. Quai han constatà eras differentas firmas che cumbattan insects. Uschia er Robert Cathomas cun firma a Glion.
«ll fanadur n'hai quasi gì naginas vespras, uss l’avust hai cumenzà a vegnir, ma la quantitad è bler pli pitschna che l’onn passà». Robert Cathomas di ch’el saja stà il fanadur 10 giadas pli pauc en acziun pervia da vespras ch'il 2015. L’onn passà è dentant era stà in onn da vespras ch’i na dat betg mintg’onn.
Primavaira frestga e bletscha
En l’entir Grischun è la primavaira stada bletscha e frestga. Bleras reginas na sajan uschia betg vegnidas da far igniv.
Tuttina savessan las vespras anc vegnir pli activas. Sch’i resta bell’aura sco actualmain, savessan las vespras era pir vegnir il settember manegia Robert Cathomas.