Da questa contribuziun han passa 20 projects grischuns pudì profitar. Tranter auter han il Museum regiunal Surselva ed il Center da formaziun Surselva survegnì radund 400'000 francs. Scuol ha survegnì radund 480'000 francs per la protecziun encunter auas grondas cun il rempar Clozza. Ed a Bondo èn ids radund 600'000 francs per reparar il provediment d'aua suenter las bovas.
Ulteriuras contribuziuns èn idas en tuttas regiuns Grischunas, tranter auter per l'infrastructura, rempars u donns elementars, l'agricultura dentant er per fatgs da scola e sanadad.
20,8 milliuns investids en vischnancas da muntogna
Da la summa investida en tut las vischnancas da muntogna èn idas 8,6 milliuns en l'infrastructura generala, da quai sulet per projects d'aua 4,6 milliuns. Per rempars e donns elementars èn vegnids investids 2,8 milliuns francs. Per scola e sanadad 3,4 milliuns, per l'agricultura 4,5 milliuns, per l'economia forestala 985'000 francs e per cultura e divers 540'000 francs.
RR novitads 17:00