Legenda:
Il president dals socialdemocrats dal Grischun, Jon Pult.
Keystone
cuntegn
Chantun - Jon Pult tar «Giacobbo/Müller» - adversaris da principi superbis
Da principi èn ils adversaris politics grischuns da Jon Pult superbis da la preschentaziun dal president dals socialdemocrats. El saja sa mussà fitg cumpetent en l'emissiun da televisiun «Giacobbo/Müller» dad SRF, ha ditg Alessandro Della Vedova, vicepresident dals cristiandemocrats.
Christian Stricker, president da la Partida verd-liberala dal Grischun, ha manegià ch'el fissi led dad era pudair agir tant suveran sco Jon Pult en la medema situaziun.
Pli critic è sa mussà il schef da la fracziun burgais-democrata dal Cussegl grond Gian Michael. Ed il vicepresident da la Partida populara svizra dal Grischun Andrea Davaz ha crititgà che Jon Pult haja survegnì ina brava plattafurma per l'elecziun dal Cussegl naziunal l'october.
