-
Bild 1 von 10. La pendiculara naven da Sedrun sil Tgom s'auda. a las ovras electricas e vegn empristada durant la stad a las pendicularas da Sedrun. Bildquelle: RTR, Prisca Bundi.
-
Bild 2 von 10. Dapi uonn ei la pendiculara Startgels-Péz Grisch (Grauberg). era aviert la stad. Quai per cumpensar la pendiculara da Cassons, che n'è betg pli en funcziun. Bildquelle: RTR, Prisca Bundi.
-
Bild 3 von 10. Enfin 320 meters aut sur il Rein va la pendiculara. davent da Razén fin Veulden. Bildquelle: RTR, Prisca Bundi.
-
Bild 4 von 10. Construì avevan ins la pendiculara da Malans per. las truppas militaricas en la segunda uiara mundiala, uss transporta ella turists. Bildquelle: RTR, Prisca Bundi.
-
Bild 5 von 10. Cu ins è ids davent da Fanas si Eggli e vul i engiu,. ston ins empustar la pendiculara per telefon. Bildquelle: RTR, Ursin Lechmann.
-
Bild 6 von 10. Gia dapi il 1899 maina la funiculara davent da Tavau. sin la Schatzalp. Il 2006 è la veglia dentant vegnida remplazzada. Bildquelle: RTR, Ursin Lechmann.
-
Bild 7 von 10. La pendiculara da Puntraschigna enfin Languard porscha. in unicum en l'Europa, ina storta. Bildquelle: RTR, Fabia Caduff.
-
Bild 8 von 10. Dapi 1907 va la funiculara sin il Muottas Muragl. Davent da là pon ins giudair ina survista tut speziala, cun divers lais e glatschers. Bildquelle: RTR, Fabia Caduff.
-
Bild 9 von 10. Bravuogn è plitost enconuschent per scursalar igl enviern,. ma era la stad vali in viadi cugl "oldtimer" si Darlux. Bildquelle: RTR, Fabia Caduff.
-
Bild 10 von 10. A Churwalden Pradaschier n'è betg l'ascensiun cun la pendiculara. l'attracziun, mabain la descensiun cun il pli lung vial da scursalar (Rodelbahn) da la Svizra. Bildquelle: RTR, Fabia Caduff.
Uschè grond sco il chantun Grischun è, uschè gronda è era la variaziun tar las pendicularas. Mintgina da las 10 pendicularas che nus vain visità, ha purschì insatge spezial ni ina surpraisa; davent da pendicularas che fan stortas fin talas ch’ins sto clamar per telefon.
Ins po ir mintga di cun differentas pendicularas, ma i na vegn mai lungurus. Mintga pendiculara e mintga lieu èn auters e bels sin lur moda.
Natiralmain èn durant la stad bler pli paucas pendicularas en acziun che durant l'enviern. Ma tuttina porschan tut las destinaziuns era durant la stad diversas variantas per vegnir pli datiers dals culms.
Crudà en egl tar las 10 pendicularas che nus avain visità durant quest’emna è la variaziun. Nagina pendiculara, sutgera u funiculara e sumeglianta a l’autra. Tant ils meds da transport, las cuntradas sco era la purschida gastronomica e las attracziuns èn fitg differentas.
RR actualitad 18:00