Legenda:
Tschalers da la protecziun civila duain servir en vista al dumber creschent da requirents d’asil.
Keystone
cuntegn
Chantun - Las capacitads per fugitivs vegnan stgarsas en il Grischun
Er il Grischun senta l'unda da fugitivs che cuntanscha l'Europa. Marcel Suter da l'Uffizi chantunal per migraziun di che la situaziun saja critica, cunquai che las capacitads d’alloschi sajan prest duvradas si.
Il mument tanschia il plaz per ils requirents d’asil anc, ha Suter ditg ad RTR. L’onn proxim dovria dentant anc plirs centers per pudair dar albiert a tut ils fugitivs, cunzunt tschalers da la protecziun civila per in diever temporar.
Fin uss dovra il chantun dus tschalers da la protecziun civila, in a Cuira e l’auter a Domat. In terz duai suandar aifer las proximas emnas, il lieu n’è dentant anc betg cler. Tenor Suter n'è quai anc nagin plan d'urgenza, era sche la situaziun saja critica.
