Sco la Lia Rumantscha scriva, beneventa ella che la Confederaziun duai analisar las mesiras per promover la lingua rumantscha. Quai era en vista a las sfidas actualas e futuras, sco fusiuns da vischnancas e la rolla dals Rumantschs e da las Rumantschas en l’ester. I saja indispensabel che la Confederaziun examineschia las contribuziuns per il mantegniment dal rumantsch, e sche necessari d’adattar quellas.
Ma tenor la Lia Rumantscha na duai la rolla dals idioms e dal rumantsch grischun en scola betg esser object da la discussiun, scriva la Lia Rumantscha vinavant. Questa rolla dals idioms e dal rumantsch grischun saja sclerida en il plan d’instrucziun 21, e ni postulats ni resoluziuns hajan d’influenzar questas decisiuns.
RR novitads 12:00
