Per Marcel Friberg, il president da la suprastanza da Grischun Vacanzas, èn quels e-mountainbikes ina schanza per las destinaziuns turisticas cunquai ch'els carmalan in nov segment da giasts sin las sendas.
Ristg d'accidents crescha
Critichers sco Damian Tomaschett ch'è en la suprastanza da l'organisaziun «Sendas Svizras» vesan dentant era privels en quest svilup. Il ristg dad accidents creschia, cunquai che las sendas sajan tant per velos sco è per viandants e viandantas.
Quants n'è betg cler
Quants e-bikes ch'èn propi sin las sendas na san ins dentant betg, cifras mancan. L’onn passà ha la polizia chantunala dal Grischun en mintga cas registrà nagins accidents cun e-bikes sin las sendas en las muntognas.