En l'ospital chantunal a Cuira datti quatter stanzas d'isolaziun. Quellas èn il mument tuttas occupadas. Quai n'ha dentant da far nagut cun la grippa che regia il mument en il Grischun, mabain cun malsognas che sa derasan sur l'aria. Exempels èn la tuberculosa, il virustgel u la virola selvadia.
Stanzas spezialas cun ventilaziun
Questas quatter stanzas èn spezialas, perquai ch'ellas han in spazi supplementar avant la stanza. Là ston ils medis trair en vestgadira speziala e metter si mascras per ch'els na vegnian betg er anc malsauns. En questa stanza avant la chombra datti quai ina ventilaziun che procura per ina sutpressiun, uschia che las bacterias na pon betg sa derasar.