Ils Trais Sontgs Retgs che han visità la naschientscha da Jesus èn vegnids numnads Sontgs ed han ord quai motiv survegnì ina rolla impurtanta durant il temp da Nadal. Uffants, plitost paupers, nizzegiavan quai temp festiv per batlegiar da chasa tar chasa per da magliar e daners. Sco engraziament chantavan els ina, duas chanzuns en vestgì da retgs. Cunquai che la populaziun è vegnida adina pli ritga, hai dà pli e pli paucs uffants paupers. L'usit dad ir da chasa tar chasa è dentant restà.
Ozendi van scolars mintgamai ils 6 da schaner dad isch tar isch per chantar chanzuns sur dals Trais Sontgs Retgs che han visità Jesus. E quai tradiziunalmain en vestgì dals Trais Sontgs Retgs. Ils daners rimnads van però plitost ad instituziuns per uffants d'auters pajais.
RR actualitad 08:00