-
Bild 1 von 3Legenda: Il material per las preelecziuns En la cuverta è tut quai ch'è necessari per elecziuns, in cedel da vuschar, ina cuverta, in attestat, ed informaziuns dals candidats. RTR -
Bild 2 von 3Legenda: Peter Peyer Cun quai flyer fa Peter Peyer reclama per sasez. RTR
-
Bild 3 von 3Legenda: Andreas Thöny Cun quai flyer fa Andreas Thöny reclama per sasez. RTR
Passa 3'500 persunas èn s'inscrittas per las pre-elecziuns da la partida socialdemocratica dal Grischun - e quellas 3'500 persunas vegnan a decider cun dar lur vusch en scrit, tgi dals dus candidats da la PS che duai ir en il cumbat per in sez en la regenza l'auter onn.
A disposiziun stattan Peter Peyer (52) da Trin, ubain Andreas Thöny (49) da Landquart. Cunquai ch'els èn dentant da la medema partida è lur opiniun e tenuta politica per gronda part la medema. E nua èn lura las differenzas?
Politica da furmaziun vs. politica d'economia
Peter Peyer che ha lavurà blers onns tar ils sindicats saja cunzunt sa fatschentà ils ultims onns cun politica d'economia e cun politica sociala.
Andreas Thöny perencunter saja sco scolast primar ferm en politica da furmaziun, haja dentant er gì durant ses temp en suprastonza da la vischnanca Landquart la responsabladad per il manaschi industrial e saja perquai er sa fatschentà fermamain cun politica da l'ambient, politica d'energia ubain er politca da traffic.
RR actualitad 07:20