-
Bild 1 von 5Legenda: Na n'ha Michael Pfäffli betg ditg tar ina candidatura per il Cussegl naziunal. Keystone
-
Bild 2 von 5Legenda: Vera Stiffler n'ha anc betg decidì ma exclus n'ha er ella betg ina candidatura. Keystone
-
Bild 3 von 5Legenda: Tar Tarzisius Caviezel, landamma da Tavau è l'interess pitschen da returnar a Berna. Keystone
-
Bild 4 von 5Legenda: Il president da Cuira Urs Marti less restar a Cuira e sa deditgar als pensums sin nivel communal. Ina candidatura ha el exclus. RTR, Gian-Marco Maissen
-
Bild 5 von 5Legenda: Avant las elecziuns da regenza aveva cusseglier guvernativ Christian Rathgeb ditg che candidar per la chombra gronda na vegnia betg en dumonda. Keystone
La retschertga da la SRG SSR mussa in plus da 1.3 puncts procentual per la PLD sin plaun naziunal. Per la PLD grischuna forsa ina buna chaschun da nizzegiar il schlantsch per las elecziuns dal Cussegl naziunal da proxim onn. Co la strategia dals liberaldemocrats vesa ora e tge politichers che pudessan ir en la cursa n'ha il president da la PLD grischuna Bruno Claus betg pudì dir. I saja anc memia baud da discurrer da pussaivels candidats.
Tgi prenda plaz sin il carussel da candidatas e candidats?
Candidats pussaivels da la PLD èn la deputada Vera Stiffler ed il deputà Michael Pfäffli. Per omadus èsi anc memia baud da dir sch'els stettian a disposiziun u betg. Ma exclus ina candidatura n'han omadus betg.
Auter vesa quai or tar il president da la citad da Cuira Urs Marti. El na stettia definitivamain betg a disposiziun sco candidat per il Cussegl naziunal. El haja plaschair vid sia lavur per la citad da Cuira e less vinavant restar en questa funcziun. Er pauc interess dad ir giu Berna mussa Tarzisius Caviezel, il landamma da Tavau. El è gia stà ina legislatura en la chombra gronda (2007-2011). Ch'el turnia anc ina giada giu Berna na crai el betg. T
ar quels che na vulan betg s'auda er cusseglier guvernativ Christian Rathgeb. El aveva gia avant las elecziuns da regenza detg ch'el haja nagin interess d'in mandat en il Cussegl naziunal.
RR actualitad 12:00