La situaziun da l'aura en il Grischun è sa sviluppada sco spetgà las davosas 24 uras. En las regiuns nua ch'igl era vegnì avertì da blera plievgia sco la Surselva, il Valragn ed il Mesauc plovi intensivamain dapi ier notg.
Fin ussa han ins registrà enturn 50 millimeters. Quai communitgescha l'Uffizi chantunal per privels da la natira. Rapports davart donns na datti fin ussa betg. La fasa la pli intensiva spetg’ins dentant pir per questa saira e la notg sin venderdi. Gia la mesemna aveva l’Uffizi federal per ambient avertì d'inundaziuns e bovas.
Previsiun per gievgia saira e venderdi
- Fin il venderdi a las 08:00 èsi da quintar cun ferma plievgia. Pertutgadas en cunzunt las regiuns alpinas dal Gottard sur la Surselva fin il Valragn.
- Totalmain po quai dar quantitads d’aua tranter 80 e 120 mm. Eventualmain sa sbassa il cunfin da naiv en las regiuns cun la plievgia la pli intensiva sin radund 1’500 meters sur mar.
- Pervi da l’aura bletscha da las ultimas emnas e la cumbinaziun cun la marschauna èn ils terrens gia saturads fitg. Uschia po quai tras la plievgia dar sbuvadas e bovas.
- Las vischnancas ch’èn probablamain pertutgadas èn gia vegnidas avertidas la gievgia da sa preparar per eventuals donns. Quests avertiments e recumandaziuns da cumportament valan vinavant.
-
Bild 1 von 14. L'aua che vegn tranter Camischolas e Sedrun ord la Val Strem. Bildquelle: RTR, G. Hosang.
-
Bild 2 von 14. Il Rain a Fontanivas (Mustér) maina era in pau material, pervi da la bova ch'è vegnida giu l'enviern en la Val Strem (Tujetsch) plievgia. Bildquelle: RTR, G. Hosang.
-
Bild 3 von 14. A Mustér tranter Cuflons e Pardomat è la senda da viandar sper il Rain vegnida serrada profilacticamain. Bildquelle: RTR, G. Hosang.
-
Bild 4 von 14. Il Rain da Medel sut Curaglia. Bildquelle: RTR, H. Giger.
-
Bild 5 von 14. In urizi sa prepara sur Sent. Bildquelle: RTR, G. Luzzi.
-
Bild 6 von 14. In aual tranter Maton e Vargistagn. Bildquelle: RTR, T. Poltera.
-
Bild 7 von 14. Vista da la muntogna da Schons direcziun Spleia. Bildquelle: RTR, T. Poltera.
-
Bild 8 von 14. Vista sin il Piz Arlos, Savognin. Bildquelle: RTR, F. Belotti.
-
Bild 9 von 14. A Scuol èsi anc ruassaivel. Bildquelle: RTR, R. Mayer.
-
Bild 10 von 14. Impressiun da Mustér. Bildquelle: RTR, G. Hosang.
-
Bild 11 von 14. A Tavanasa, ca. 09:30. Bildquelle: RTR, H. Giger.
-
Bild 12 von 14. Il Glogn sper Glion. Bildquelle: RTR, C. Albin.
-
Bild 13 von 14. Il Glogn a Peiden-Bogn. Bildquelle: RTR, L. Livers.
-
Bild 14 von 14. Il Glogn dado Pitasch. Bildquelle: RTR, L. Livers.
Igl è da quintar cun bovas ed inundaziuns
Dapli
Sco quai che cusseglier guvernativ Christian Rathgeb ha ditg avant il Cussegl Grond, saja la situaziun da prender serius. Rathgeb ha però er punctuà ch'i na dettia nagina raschun da panica.
La mesemna era vegnida annunziada plievgia intensiva per la Cadi, la Foppa e la Lumnezia, lura Val S. Pieder, Valragn e Mesauc, plinavant la Val Schons, la Tumleastga e la Vallada dal Rain da Cuira.
RR novitads 15:00++