Accumpagnada è la plievgia stada per part da chametgs, e quels han procurà per lavur als pumpiers. Sco quai che la Polizia chantunala ha ditg sin dumonda da RTR, èsi tranter auter stà da stizzar a Luven en Surselva, a Fläsch e Mastrils en la Vallada dal Rain ed a Lunden en il Partenz. Detagls n'ha la polizia dentant betg inditgà.
Suenter ils urizis nagin current electric en Lumnezia
En grondas parts da la Val Lumnezia (Pitasch, Cumbel, Duvin, Tersnaus) da la vischnanca da Glion (Sevgein e Riein) ed en parts da la vischnanca da Val (S.Martin) è il current electric crudà ora suenter ils urizis da glindesdi saira. Sco la Repower scriva era radund 900 clients pertutgads per radund ina mesa ura. Era en il territori da Landquart Ganda è suenter l’urizi il current electric crudà ora. Radund 40 clients eran pertutgads per radund otg minutas.
RR novitads 06:00