Il venderdi han la Polizia chantunala e la Polizia da la citad da Cuira fatg controllas cun il focus da l'abladad da charrar. A pliras persunas ha la polizia stuì scumandar da charrar vinavant. Sco quai che la polizia communitgescha, haja dà controllas sin l'autostrada a Zezras e sin la via d'Engiadina a San Murezzan e lura a Cuira, en l'Engiadina, la Val Müstair, il Puschlav e la Bregaglia. En tut èn 304 manischunzs vegnids controllads.
Duas persunas ha la polizia denunzià pervi da suspect da charrar sut influenza da drogas e duas ulteriuras persunas pervi da charrar en stadi alcoholisà. Ultra da quai è ina persuna vegnida denunziada pervi da betg resguardar il scumond d'alcohol sco persuna d'accumpagnament tar ina cursa per emprender dad ir cun auto. A quatter da quellas persunas ha la polizia retratg il permiss dad ir cun auto al lieu. En passa 20 cas hai dà multas.
RR novitads 16:00