Chantun - Portal da medias audiovisualas per Grischun
L'Uffizi da cultura dal Grischun ha endrizzà in portal da medias audiovisualas. Quest project ha la finamira da registrar en in inventari central ils purtaders da films e da tuns d'ina relevanza istorica e da render accessibels els ad ina vasta publicitad.
Tenor communicaziun possia il portal er vegnir applitgà en ils secturs scola, furmaziun, scienza, perscrutaziun ed animaziun da museums.
Il catalog online vegn cumplettà cuntinuadamain cun purtaders da films e da tuns d'archivs culturals, da museums, d'instituziuns, da collecziunadras e collecziunaders sco er da persunas privatas.