Anc è decidì nagut
Tar las autras partidas burgaisas n'èsi anc betg uschè cler sche e cun tgi ch'ellas vulan ir en colliaziuns da glistas. La PPS vul tenor Andrea Davaz, il president da partida durant il cumbat electoral, gidar la PLD da survegnir enavos il sez ch'ella ha pers avant quatter onns. Lezza conferma dentant che la finamira è en scadin cas ina colliaziun da glista, co quella duai vesair or è dentant anc avert, uschia Silvio Zuccolini il pledader dals liberaldemocrats.
Er la partida burgais democratica è anc en discussiuns, temp hajan ins fin ils 10 dad avust d'inoltrar las colliaziuns da glistas, uschia il president da fracziun Andreas Felix. Ins prenda per enconuschientscha la decisiun da la PPS e resguardi quella tar las discussiuns. Ils cristiandemocrats n'han er betg anc decidì, quai di Stefan Engler il president da partida. Dentant tar els è la finamira clera, salvar il sez a Berna. Ina colliaziun da glistas possia en scadin cas gidar tar quella finamira è el persvas.
Il 2011 ha il Verdliberal Josias Gasser gudagnà in mandat en il Cussegl naziunal grazia a la colliaziun da glistas cun la PS. Quai sin donn e cust da la partida liberaldemocratica che ha pers ses sez.
RR novitads 10:00