Ina chatscha limitada sin ils mais da settember e d'october na fiss betg buna da regular las populaziuns da selvaschina, perquai ch'in grond dumber d'animals viva durant quest temp ordaifer il territori chantunal.
Il sistem actual cun chatsch'auta e chatscha speziala adattada a las circumstanzas saja il meglier per la planisaziun da la chatscha dal Grischun.
Il Cussegl grond vegn a tractar la missiva en la sessiun da december 2018. In'eventuala votaziun dal pievel po vegnir prendida en egl per l'emprim mez onn 2019.
RR novitads 10:00
