Il project d'execuziun dal departament federal per ambient, traffic, energia e communicaziun (CATEC) cuntegn la sanaziun cumpletta dal traject da l'autostrada A13 tranter Giuvaulta e Vial.
Via naziunala A13 gioga rolla centrala
Sco la regenza menziunescha è la via naziunala A13 l'access principal per bleras regiuns da vacanzas en il Grischun. En cumbinaziun cun la ruta dal San Bernardin è la via naziunala da la A13 la segunda axa da transit nord-sid da la Svizra.
Durant ils temps da vacanzas dettia dentant colonnas da plirs kilometers avant il tunnel Isla Bella. Sin il curt traject tranter il tunnel Plazzas e la fin dal tunnel Isla Bella èn capitadas en ils ultims 10 onns 65 accidents.
Dapli segirezza tras tunnel
Perquai pretenda la regenza ch'i vegnia construì in tunnel cun in profil traversal d'ina via naziunala. Uschia pudess ins pli tard duvrar quel sco segund tunnel per il traffic e durant la sanaziun dil tunnel existent d'Isla Bella sco sviament.
La confederaziun prevesa da sanar entaifer sis onns sper il tunnel Isla Bella e la construcziun dalla gallaria da segirtad, il tschancun da nov kilometers autostrada tranter Giuvaulta e Vial ed il tunnel Plazzas.
RR novitads 09:00