«Auf zu besiegbaren Höhen», si ad autezzas surmuntablas – quai è stà il motto da la dieta da las dunnas da KMU, da interpresas pitschnas e masaunas, dad quest onn. Ed ellas èn propi idas en l'aut: sco emprim cun il Pullman Express ad Arosa, lura cun la pendiculara sin il Weisshorn.
Il piz professiunal che dunnas da KMUs han da surmuntar è en emprima lingia il culm da lavurs: fatschenta, famiglia, chasada, forsa in'uniun. Quai conferma Monika Losa, l'organisatura da la dieta.
Dentant han las dunnas er tips tge far per betg emblidar sasezzas: «Scriver en l'agenda: in di be per mai», è uschè in tip pratic. In auter tip: «Delegar. Simplamain betg pli vulair far tut sezza mabain far pli fitg il managen.»
RR actualitad 08:00