Legenda:
Far attenziun cun grillar ora en il liber.
Keystone
cuntegn
Chantun - Scumond da far fieu
Per parts dal chantun Grischun vala actualmain in privel da fieu considerabel, quai cunzunt en la Surselva, il Partenz, il Grischun Central ed en il Mesauc.
Nua ch’i buffa in ferm vent, èsi scumandà da far fieu. Quai annunzia l’uffizi da guaud e privels da la natira. Pastg e chaglias setgas piglian actualmain spert fieu. Sulettamain en lieus cun naiv è il privel pitschen.
Er en parts dals chantuns Tessin, Berna e Soloturn vala in privel da fieu considerabel.
