La Viafier retica festivescha quest onn ses giubileum da 125 onns. Chaschun era per RTR da guardar in zic pli exact. Noss moderatur Sergio Guetg ha lantschà las festivitads cun in'acziun speziala ils 6 da matg. El ha vulì savair, sch'igl è pussaivel da far en in di l'entir traject da la Retica – pia tut ils 384 kilometers.
Ditg e fatg... en 18 uras e 14 minutas...
Ils 384 kilometers ha Sergio Guetg fatg aifer 18 uras e 14 minutas. Da las 05:44 è Sergio partì da Mustér ed è rivà a las 23:58 ad Arosa.
Co igl è ì cun el questas bun 18 uras, e tgi che l'ha accumpagnà sin certs tschancuns pudais tadlar quasut en ils discurs durant il viadi...