cuntegn

Chantun «Sinergia» fa mal il venter a la gastronomia en il center

La midada da numerus biros da l’administraziun chantunala en il bajetg Sinergia vegn a mancar a la gastronomia en il center, dentant a purtar nova clientella a las ustarias en l’aglomeraziun.

27.09.2018, 05:05

En bun 180 dis avra il nov bajetg d’administraziun Sinergia sias portas a l’ur da Cuira. Questa chasa gigantica concentrescha ina gronda part da l’administraziun chantunala sut in tetg, dischlochescha dentant er passa 600 emploiads or dal center en l'aglomeraziun. Quai pudess ir sin donn e cust da la gastronomia en il center da Cuira.