La spustada pretenda la cumissiun per politica statala e strategia pervi da raschuns temporalas. Las consultaziuns preliminaras hajan bain cumenzà. Pervi da dumondas avertas n’haja la cumissiun dentant betg pudì predeliberar il project a fin.
Il chantun Grischun è in da paucs chantuns en Svizra che n’ha anc nagina lescha da transparenza.
Access a documents uffizials duai vegnir pli simpel
L’uschenumnada lescha da transparenza duai en l'avegnir pussibilitar a Grischunas e Grischuns da survegnir access a documents uffizials, senza stuair cumprovar in interess spezial. I duai tanscher ina dumonda concreta che vegn giuditgada il pli tard suenter 20 dis.
RR novitads 11:00