Il chaschiel d’alp 2016 è grategià. Quai è il resultat da la premiaziun dal meglier chaschiel d’alp grischun a Landquart. Però – ves’ins ch’in chaschiel è bun? Ni tge è madirà da moda natirala u madirà en la folia?
Ina situaziun enconuschenta a blers: Ins è en butia, dat in sguard sin la cedla da cumpra e là stat «chaschiel». Rivà davant la vitrina u la curuna da chaschiel n’è quella cumpra simpla tuttenina betg pli uschè simpla:
Mozzarella u mozzarella di bufala?
Chaschiel madirà a la natirala?
E tge vul insumma dir madirà en folia, «foliengereift»?
E lura, èsi pussaivel da vesair sche in chaschiel è bun?
RTR ha dumandà a trais che san dar resposta
A l'affineur Martin «Flo» Bienerth da la chascharia dad Andeer che fa en la chascharia ad Andeer talmain bun chaschiel, che schizunt il star-cuschinier Jamie Oliver riva tar el.
Pon ins mangiar la crusta dal chaschiel u na?
Han ils gourmets gugent chaschiel "gruusig"?
A Peter Mair che numna sia chascharia ina manufactura da chaschiel e furnescha davent da Tschlin, tuts che han il palat fin. Dals gourmets da San Murezzan fin ils clients dal Globus.
Spizza chaschiel?
Al cuschinier e vendider da spezialitads Georg Pichler che surviva grazia a ses maun per ils giavischs dals connoisseurs dapi bunamain 30 onns cun sia butia Gourmet-Serial en la citad veglia da Cuira.
Pertge ha il chaschiel gust da tschaler?
1 / 10
Legenda:
L'aur da las alps -
en il tschaler da chaschiel da la chascharia dad Andeer.
RTR, Isabelle Jaeger
2 / 10
Legenda:
En patratgs gia tar il proxim chaschiel -
Martin "Floh" Bienerth en il tschaler da chaschiel.
RTR, Isabelle Jaeger
3 / 10
Legenda:
Ina vitrina emplenida cun spezialitads -
dadens la chascharia ad Andeer.
Ina vitrina emplenida cun specialitads.
4 / 10
Legenda:
Controlla da qualitad a Tschlin -
quant bain gusta il chaschiel da nursa?
Ina vitrina emplenida cun specialitads -
5 / 10
Legenda:
Ina manufactura da chaschiel -
la chascharia da Tschlin.
RTR, Isabelle Jaeger
6 / 10
Legenda:
Nettegiar e schubregiar -
radund 30% da la lavur quotidiana er en la chascharia a Tschlin.
RTR, Isabelle Jaeger
7 / 10
Legenda:
Pli exclusiv e meglier ch'il è -
era tar Georg Pichler a Cuira tschertgan ils gourmets spezialitads ed exclusivitads.
RTR, Isabelle Jaeger
8 / 10
Legenda:
Chaschiel è ina da sias spezialitads -
Georg Pichler en sia butia a Cuira.
RTR, Isabelle Jaeger
9 / 10
Legenda:
Chaschiels en tut las furmas e culurs -
quai è la passiun da Georg Pichler da Cuira.
RTR, Isabelle Jaeger
10 / 10
Legenda:
Da chasa a Tschlin -
cun excepziun dal latg da biffel (da Ftan) vegn tut il latg directamain da Tschlin.
RTR, Isabelle Jaeger
