Sco mintg'onn la primavaira èsi puspè temp per la Higa. Cun l'avertura han era giats da l'entir mund gì lur inscenaziun. La 63avla exposiziun internaziunala da giats ha numnadamain gì lieu a la Higa.
Cunzunt allevaturs da giats dentant era amaturs dals minmins han preschentà lur 'beautys' a la giuria - per l'ina è quai stà Gina Grob, per l'autra Alfred Wittich. E la giuria mira propi sin tut: «La fatscha, las ureglias, ils egls, la colur dals egls, la cua ... quella na dastga per exempel betg avair in 'knick'».
Cun schampo e conditioner
E per ch'ils giats sajan lura era bels cur ch'els vegnan sin la maisa da la giuria survegnan els insaquantas uras avant l'exposiziun adina anc in tractament spezial. Per exempel èsi da tagliar giu ad els ils piz da las griflas, per ch'els na fetschian betg mal a la giuria. E per ch'il pail traglischi lura fani in bogn, cun schampo e conditioner. E pil 'finish' datti anc in puder ch'ins po stregliar en il pail.
-
Bild 1 von 4. Giuria:. Alfred Wittich da la giuria ha gist examinà quai giat. Bildquelle: RTR, Sabrina Bundi .
-
Bild 2 von 4. Alessia Caduff. Cooper, il giat da la razza Main-Coon da Alessia Caduff ha egls da differentas colurs. Bildquelle: RTR, Sabrina Bundi.
-
Bild 3 von 4. Giat russ. Set kilos paisa ha quai giat da la razza "sibirische Waldkatze". Bildquelle: RTR, Sabrina Bundi .
-
Bild 4 von 4. Ureglias rodundas. Il spezial vi da quai giat ch'è gist sut la marella da la giuria, èn sias ureglias rodundas. Bildquelle: RTR, Sabrina Bundi.
RR actualitad 08:00