La decisiun dad excluder saja stada greva, dentant inevitabla. Quai scriva l'Uniun grischuna da chatschaders da patenta en ina communicaziun. La critica dal comité d'iniziativa cunter la chatscha supplementara saja dentant stada memia radicala. Perquai haja ins uss exclus trais persunas.
Da tgi ch'i sa tracta na vuleva il president da l'Uniun da chatschaders da patenta betg tradir. Dentant gia avant radund duas emnas aveva el ditg ch'el veglia discutar en suprastanza d'excluder l'iniziant Christian Mathis.
RR actualitad 06:00