En la planisaziun da la praschun vegnian adina puspè resguardadas novas enconuschientschas e novaziuns tecnicas. Uschia duai il bajetg correspunder a sia avertura il 2019 als basegns actuals da l'execuziun dal chasti. El porscha plaz a radund 152 praschuniers. Ils custs da construcziun muntan a 119 milliuns francs ed ins saja sin buna via da tegnair en ils custs.
Lavurs pretensiusas vid la construcziun criva
Per la consctrucziun criva sajan vegnids duvrads 14'000 meters cubic betun da construcziun e 1'300 tonnas atschal. Ils blers elements dal bajetg ed era ils divers implants tecnics e da segirezza han stuì vegnir montads tuts en il dretg temp. Quai ha engrevgià las lavurs als installaturs.
Ils tetgs consistan d'elements da lain prefabritgads. Las stanzas gist sut il tetg èn previsas per ils implants tecnics da las chasas. Pervi dal livel da l'aua sutterrana fitg aut han ins desistì da bajegiar sutterran, quai che fiss stà collià cun custs auts.
-
Bild 1 von 12Legenda: Ils mirs han in'autezza da passa otg meters. RTR, Federico Belotti
-
Bild 2 von 12Legenda: Il plazzal da la praschun a Cazas. RTR, Federico Belotti
-
Bild 3 von 12Legenda: Las lavurs s'avanzan exact tenor plan. RTR, Federico Belotti
-
Bild 4 von 12Legenda: Il suler ha ina lunghezza da 220 meters. RTR, Federico Belotti
-
Bild 5 von 12Legenda: Ils cussegliers guvernativs Mario Cavigelli (sanester) e Christian Rathgebe han infurmà davart il stan acutual. RTR, Federico Belotti
-
Bild 6 von 12Legenda: En questa sala datti ina sala per in medi. RTR, Federico Belotti
-
Bild 7 von 12Legenda: Il tetg da la praschun n'è betg anc dal tut a fin. RTR, Federico Belotti
-
Bild 8 von 12Legenda: Qua datti la cuschina da la praschun. RTR, Federico Belotti
-
Bild 9 von 12Legenda: L'interess medial è grond. RTR, Federico Belotti
-
Bild 10 von 12Legenda: Al lieu hai dà in grond interess medial da vesair las lavurs crivas finidas. RTR, Federico Belotti
-
Bild 11 von 12Legenda: Scappar da qua è quasi impussibel. RTR, Federico Belotti
-
Bild 12 von 12Legenda: Paraids e tetgs stattan e cun quai era il pign sin il spitg dal tetg. RTR, Federico Belotti
Nagin po fugir, ma er nagin po guardar viaden
L'element essenzial dal perimeter da segirezza ordadora è il mir da set meters autezza e 950 meters lunghezza. Il mir è vegnì bajegià cun ina spertadad da 12,5 meters a di, quai ch'è fitg svelt. Cun il mir duai per l'ina vegnir segirà che nagin po fugir, ma era vegnir protegì da la vista d'ordadora. Per ch'il mir giaja a prà meglier cun il conturn è il betun vegnì colurà.
Effizienza d'energia malgrà aut standard da segirezza
En la praschun da Cazas vegn resguardà il standard da minergia, malgrà il standard aut da segirezza ch'è necessari. En acziun vegnan materialias ch'èn simplas da mantegnair e che tegnan ditg. Sche pussaivel vegn era duvrà lain per la construcziun. Grazia a differentas mesiras, sco il diever da glischs da LED, sco er tar la coordinaziun cun las funcziuns automaticas da la chasa cun glisch e sumbriva, tar il stgaudament e la ventilaziun, en cuschina ed en lavandaria, vegn il diever d'energia reducì sin il minimum. In aut grad da l'atgna producziun d'energia cun cellas solaras augmenta anc questa effizienza.
RR novitads 14:00