L'interpresa start-up «Graubünden Vivonda SA» survegn sustegn chantunal per ses project da render vesaivla la regiunalitad grischuna. La regenza garantescha a l'interpresa maximalmain 1,1 milliuns francs. Vitiers datti anc ulteriurs 160'000 francs da la Confederaziun.
La Vivonda SA vul stgaffir ina structura professiunala che commerzialisescha e venda products grischuns en differents lieus. Ella vul dentant er producir sez. In emprim lieu da vendita è planisà a Jenaz. Per endrizzar ils emprims lieus da vendita èn previsas investiziuns da passa 4 milliuns francs.