Siglir tar il cuntegn

Header

cuntegn

Chantun 1,5 milliuns francs per «Swiss Epic»

La regenza grischuna conceda ina contribuziun da maximalmain 300'000 francs ad onn per l'organisaziun da la cursa da Mountainbike «Swiss Epic». Quai dals onns 2019 fin il 2023.

«Swiss Epic» duai vegnir sviluppà al meglier event da mountainbike da las Alps e commerzialisà en il rom da la seria mundiala «Epic Series». «Swiss Epic» tutga ensemen cun «Cape Epic» en l'Africa dal Sid e cun mintgamai ina cursa en ils Stadis Unids ed en la Nova Zelanda tar la «Epic Series» ch'ha in'attracziun internaziunala.

«Swiss Epic» ha mintgamai lieu durant in'emna da l'avust u dal settember. Ins spetga mintga giada tranter 600 e 1'000 participants, tant profis sco amaturs sco er circa 600 persunas accumpagnantas. Quai correspunda a radund 10'000 pernottaziuns.

Per onn d'occurrenza vegnan resguardadas mintgamai trais destinaziuns sco lieu d'etappa: Arosa, Flem/Laax, Lai e Scuol mintgamai duas giadas, San Murezzan trais giadas e Tavau quatter giadas.

RR novitads 09:00

Artitgels legids il pli savens