Siglir tar il cuntegn

Header

cuntegn

1'500 suttascripziuns Referendum duai salvar contribuziuns da maternitad

In comité da referendum cun exponents da la sanestra e dals sindicats rimna suttascripziuns encunter la decisiun dal Cussegl grond da stritgar las contribuziuns da maternitad.

La finamira dal comité da referendum che sa cumpona d'exponents grischuns da la Partida socialdemocratica, da la Juso, d'AvenirSocial, da l'Uniun sindicala e dal Collectiv da chauma da dunnas è clera: Las contribuziuns da maternitad na duain betg vegnir stritgadas. Cunzunt ils pli paupers patissan da quest pass ed anc dapli glieud stuess lura retrair agid social, uschia ils arguments principals.

Lescha è bunamain 30 onns veglia

La lescha ch'è vegnida introducida l'onn 1992 ha il Cussegl grond abolì en la sessiun da l'avust. Tenor la regenza promovia ella in model da famiglia antiquà. Perquai ha il Cussegl grond abolì la lescha, malgrà che la PS è sa dustada encunter il pass. Ils daners spargnads duain vegnir da bun en in'autra furma a las famiglias.

Rimnar suttascripziuns

Il comité da referendum ha uss temp fin ils 8 da december da rimnar las 1'500 suttascripziuns necessarias. Sche quai grategia lura restan las contribuziuns da maternitad anc enfin ch'il pievel decida lura en chaussa.

audio
Per tadlar curt e cumpact
ord RTR Audio dals 08.10.2020.
laschar ir. Durada: 1 minuta 2 Secundas.

RTR novitads 06:00

Artitgels legids il pli savens